Mohamed Roushdy
السعادة
ليها ناس وناس
طول حياتنا واحنا منها
محرومين
السعادة
ليها ناس وناس
أنت ناسى ليه يا قلبى
احنا مين
احنا اتخلق الحزن علشانا
احنا اتولد الجرح علشانا
كله زرع فى طريقنا الشوك
كله ظلمنا وباعنا وخانا
احنا نحب بكل ضميرنا
نعشق نوفى نحس بغيرنا
لما بنبقى فى وسط النار
كله فى لحظة بينكر خيرنا
أيام بتمر
وطعم المر
ولا بيدوب
جربت الصبر
شربت الصبر
بقيت أيوب
الدنيا يا قلبى
خلاص حرمتنا
من الأفراح
سكتنا ألم
ضحكتنا دموع
غنوتنا جراح
أغراب عن ناسنا وأهلينا
ولا شاطئ ولا مرسى ومينا
ولا الأيام هتنسينا
احنا مين
ليه الإخلاص
فى الدنيا خلاص
مبقاش موجود
ليه أغلى الناس
وأعز الناس
خانوا الوعود
حبيت وهويت
ووفيت واديت
من عمرى كتير
كان قلبى جبل
كان جرحى قوى
كان حملى كبير
ويا الأيام جينا وروحنا
ملناش اصحاب إلا جروحنا
عمالة تغير ملامحنا
السنين
راحوا فين أيامنا
وفين أحلامنا
وفين يا زمان
فين طيبة القلب
وفين الحب
ليه كله خان
أنا أبويا وأخويا
وولدى وبلدى
كان الموال
غنيت للعاشق
والمجروح
وخلى البال
غنيت للدمعة وللفرحة
والدنيا الغدارة الجارحة
لما أنا احزانى بقت طارحة
غنالى مين
